Fermer
ActualitéBouzegueneCulture loisirs

12 n yiseggasen zrin γef tmettant n uxalaf n yedles, Cerif Imeεuden

    94032576_841012353040067_8354214275555786752_n
    12 n yiseggasen zrin γef tmettant n uxalaf n yedles, Cerif Imeεuden
    Ass n Lḥed yezrin 18 yebrir 2010, d amuli wis 9 n tefsut tabbarkant, tiddukliwin tidelsanin yemgaraden sudsent-d timeγriwin, yal yiwet amek id-tessewjed ahil-ines. Maca assegas-nni, di tγiwant n Wizgan ulac d acu id yellan, axxam n yedles Ferrat Remdan yeqqim d ilem, yeγlid fell-as leḥzen, maca leḥzen-agi yennul imezdaγ n temnaḍt n Wizgan akk d yimawlan n yedles sumata, acku tameddit n wass n 18 yebrir, yeγli-d yiwen isalli am ssiεqa γef yimezdaγ n Wizgan, wa yummen wa ur-yummin : » D-tamettant n yiwen umaγnas n yedles amaziγ wagi d Mass Messaoudène Cherif ».
    Messaoudène Cherif d anemhal n wexxam n yedles Ferrat Remdane n temnaḍt n Wizgan Lwilaya n Tizi-Wezzu, u d saselway n tiddukla tadelsant Igelfan, yewweḍ laεfu Rebbi deg sbitar aseddawan Nadir Mohamed n Tizi-Wezzu (CHU de TiziOuzou) ass n 18 yebrir 2010, di tefsut tabbarkant. Tamḍelt-is ass n 20 yebrir 2010, d tafsut n yimaziγen, di tmeqbert n taddart-is At-Yexlef taγiwant n Wizgan.
    Γas akken Cherif Messaoudène icewwel-it waṭan, maca yesεa tabγest swayes yeqqubel tagnitt.Imezdaγ n Wizgan cffan merra γef ayen id-yefka wergaz-agi i yedles, γef taftilt n yedles i yecεel . yefka tudert-is ilfayda n yedles amaziγ, 44 issegasen deg laεmer-is mazal ur yezzwij-ara, yal tikkelt yeqqar « nekk zzewjaγ d yedles » D netta i d-yewwin γer wexxam n yedles Ferrat Remdane n Wizgan Irgazen imusnawen, imawlan n yedles d tẓuri, ger-asen llan : Ben Mohamed, d amedyaz, Daho Djerbal, d amnazray u d anemhal n tesγunt NAQD, Habiba Djahnine, cinéaste u d tamedyazt, Youcef Merahi, d amedyaz, u daselway n wesqqamu unnig n timuzγa HCA, Ali Feraoun, Mmi-s n wemyaru Mouloud Feraoun, Abderrahmane Bouguermouh, , Belkacem Mostefaoui, Louiza Ighil Ahriz, d tamjahedt u d-tamyarutt, , Amine Zaoui, d amyaru, Rachid Boudjedra, d amyaru, Maissa Bey d wiyaḍ merra id-yussan γer Wizgan.I tama niḍen Cherif yeslul-d yiwet n tesγunt »Echos de Bouzeguene » fγent-d deg-s 9 n wuṭṭunen, rrnu γef waya, Cherif Messaoudène yeldi yiwet n temkarḍit deg wexxam n yedles n Wizgan. Asyaεfu Rebbi s Reḥma-s. Γas yemmut mazal-it yedder deg ulawen-nneγ.
    Islam Bessaci

     

    Merci de partager si vous aimez!
    Mots clés : Une
      Rédaction

      L'auteur Rédaction