Fermer
ActualitéBouzegueneCulture loisirs

2969: Yennayer ameggaz i yimeghriyen n’Bouzeguène Post

    49947230_1191333784365108_332858062769487872_n

    Yennayer d ass amenzu deg useggas n yimazighen. Iqubel ass n 12 di Yennayer di lehsab n irumyen.

    Lehsab n yimazighen yebda deg useggas n 950 send talalit n Sidna Aissa asmi yeghleb ugellid Amazigh Cacnaq Ifereunen,yesbed tagelda tis 22 di Maser.

    Am yal aseggas, igduden imazighen di Tefriqt Ugafa ttheggin i usfugel n Yennayer. Ansayen mgaraden di tmurt gher tayed, di temnadt gher tayed.

    Imensi n Yennayer d win id yessemlalayen tasa d wayen turew. Ggten deg-s isufar (07), ad qablen ieessasen akken iwata acku zik ttamnen Leqbayel atas s ieessasen. Zellun tiyuzad d iyuzad iqbayliyen. Ilaq ad imir yidim akken ad iruh lhem.

    Imerkantiyen zellun ayazid i yal aeeggal. Ayazid i weqcic, tayazidt i teqcict. Ticki i tella tmettut s tadist, ttmuddun-as ayazid iwakken ad arew aqcic.

    Imensi n Yennayer yettighzif, yesdukul tawacult di tegnit n tumert, tadsa d unecreh. Ula d wigad yunagen negh yemmuten, srusuyen-asen amur nsen ghef umnar n tewwurt akken ad beggnen belli mazal sean azal d ameqran di tmetti. Ma yella uzetta, tteksen-t send ad yawed Yennayer ma ulac ad rfun ieessasen, ad xerben lexyud-is, anect-a d yir lfal , yezmer ad yeglu s twaghiyin n diri.

    Amenzu n Yennayer ara d-idefren talalit n uqcic, ghur-s azal d ameqran. Bab-as yettqerric-as i wegrud i tikelt tamezwarut. Agrud-nni ttawin-t daghen ad yexdem tasewwiqt tamezwarut. Ad yagh aserruy n wezger akken ad yughal azekka d aqerruy n taddart, d aselway n tghiwant negh n tigduda.

    Yennayer ameggaz 2969!

    Par Hammar Boussad Amazigh

    Merci de partager si vous aimez!
    Mots clés : Une
      Rédaction

      L'auteur Rédaction