Fermer
BouzegueneCulture loisirs

Aɣerbaz amezwaru deg umezruy Aɣrbaz At Yexlef-temnaḍt n Buzgan

    b_1_q_0_p_0-005

    Aɣerbaz-a bnan-t Yifransisen deg useggas 1896. Imir-nni, ṭṭfen tamurt-nneɣ. Aɣerbaz-a yessufeɣ-d aṭas n yimusnawen i d-yufraren di tɣuri. Di tallit-nni, iselmaden ur tturaren ara d usegmi, inelmaden ttaggaden, lemden akk timsirin-n sen. Di tallit-nni diɣen, drus n yinelmaden i yeqqaren, aṭas n yimawlan ttagin ad cceyɛen arraw-nsen s aɣerbaz. Di tmura i irebḥen, aɣerbaz am wa ad yeqqim d asalay i tsutwin, ad walin anda i ɣran leǧdud-nsen i tikkelt tamezwarut.

    Di Buzgan, kra n yimdanen ur fhimen ara, ur qudren ara azamul n usegmi akked tmusni ladɣa mi d-demen afdis, huden agerruj-a yesɛan ugar n 100 n yiseggassen deg tudert-is.
    Hudent-t s lemɣawla, s tufra akken imdanen yettqadaren aɣerbaz-a i d-yessekren aṭas d imusnawen, ur sɛun ara akud akken ad d-kkren ad inin: ala!

    Ḥebset tawaɣit-a!

    Deg 2013 ixedmen ccɣel-agi afuḥan, iqerra yeǧǧa walaɣ u yerna ur d-ǧǧin ara iktayen neɣ later n tmenɣiwt ixedmen.
    Mass. REMDI Mebruk n Ssaḥel, yufa-d tikti igerzen aṭas. Nniɣ-as: amer ad ruḥen imerrayen ad steqsin ɣef tsuddut-a amek ara nexdem? Yenna-d : “Ilaq ad nebnu aẓekka anda huden aɣerbaz –a, ad as-naru: da i yettwamḍel uɣerbaz n At Yexlef, nɣant yirebraben n tmusni”.

    Gma ameqran, yeɣra cwiṭ deg uɣerbaz-a ccfiɣ, iḥeku-yaɣ-d zik aktayen yeṣedṣayen: “Yiwen n wass, ikcem-d yiwen unelmad amaynut ɣer tneɣrit-nneɣ, ur yeẓri ara anda ara yeqqim, Greɣ tamawt yewwi-d asegres yeččur d tazzart, Nniɣ-as: qqim akka iwakken ad afeɣ abrid amek ara d-akreɣ iḥbuben; Yuɣ-iyi awal, yezzi-d aɛrur i tfelwit. Taggara, ifaq uselmad dɣa isuɣ-d fell-as, qqim akken iwata ay aɛeggun!”.

    Ḥemar Bussaɛd-mars 8, 2018

    Merci de partager si vous aimez!
    Mots clés : Une
      Rédaction

      L'auteur Rédaction