Fermer

Addal n l’équitation di Tmurt n Leqbayel

no thumb
aghoulmim nsegane-3

Dayen yesefraḥen aṭas, dayen i d-yettaran asirem i tudert n wemdan, xarṣum i wid iḥemlen addal n «l’ équitation » s yiεudiwen. Ihi massa Snacel Saida tewwi-d addal amaynut γer temnaḍt n Leqbayel, tesllul-d Tiddukla n waddal “équestre d’Akfadou, CEDA”, deg wagur n yulyu 2010 di taddart n At- Ferεac, taγiwant n Wizgan s ufus n tallelt n wargaz-is Lewnis.

Saida d Lewnis d nutni id imeḍebren n tiddukla CEDA “club équestre d’Akfadou”, skarayen-d 7 n yiεudiwen n ṣṣenf aheqqani n yidamen n waεraben “purs sangs arabes”, ger-asen llan ssin n yiεudiwen, llulen-d deg taddart n At-Ferεac taγiwant n Wizgan. Rnu γer-s imḍebren n tiddukla-agi ttrebbin iεudiwen s wallalen-nsen.

Ass-mi nerza γer taddart n At-Ferεac, nufa massa Saida Snacel turjja-yaγ, syen tewwi-yaγ γer wexxam-is anda id-nwala iεudiwen-is icebḥen aṭas, rrnan-d cbaḥa i tefsut. Iεudiwen-agi sεan akk ismawen, tamenzut d taggmert iwmi semman Wahrania (Kiki) tuγ-itt-id deg la jumenterie n lwilaya n Tiaret, tikkent niḍen iwmi semman Océane,tis krad d Lafita, rnu Rusthy akk d Ruby, ssin n yiεudiwen imecṭaḥ llulen-d melmi kan.

Asenfar n massa Saida Snacel d amenzu, d amaynut γer temnaḍt n leqbayel, maca akken ad-tawweḍ γer yeswi-s ilaq imḍebren εlayen n tγiwant n Wizgan a d-gren afus n tallelt akken a d-as-ffken akkal ara yesεun azal n 3000 m2, akken a d-tesiwweḍ γer leqdic di ṣṣenf-agi n waddal akk d inaddalen wid iḥemlen annect-a. Nessaram d-akken imḍebren imaynuten n tγiwant n wizgan a d-ddun ilebγi n Saida akken a d-tawweḍ γer yeswi-s, acku iswi-s d iswi-nnaγ merra.

Neẓra aεudiw n twacult n yiγersiwen. Yeddukel netta d wemdan azal n 6000 yiseggasen aya kan. Di tazwara, amdan yesseqdac aεudiw i yiminigen gar tmura, yuγal yerra-t i uεebbi n sselεa, tagara yuγal uεudiw d azamul n trad neγ tazmart.

Rédaction

L'auteur Rédaction