Fermer
Culture loisirs

Anwa ara yaghen yelli-s n ugellid ?

Zik n zik, yella yiwen ugellid yesea yelli-s tezyen ugar n tziri. Asmi tewwed tizi n zwaj, agellid yegred tighri i yigad yebghan ad zewjen. Imdanen ussan-d s watas, ttuqten macci d kra, bghan akk ad att aghen. Yal yiwen yettraju nnuba-s ad ijerreb zhzer-is. Ussan-d imerkantiyen, izawaliyen, imgharen, ilmezyen, uzyinen, ucmiten…

Ulac win is yehwan i yelli-s n ugellid. Yal yiwen d acu n sseba is-id ufa. Tugi-ten akk, ughalen ifasen d ilmawen, ulawen jerhen.

Yiwen wass, ata yussa-d yiwen wemdan d aherfi, d alemmas kan ama di texrit, di lqed negh di zzin. Bghan at sferghen, nnan-as:

-“Yehwa-ak kan ad truhed, ur teseid ara ula d azeghbub n usirem akken akk teqbel. Tugi imdanen ugaren-k di yal taghawsa.”

Yenna-asen:

-“Ula d nekk ad jerbegh zher-iw am wiyad. Amer ahat ad yekker saed-iw, ad yakki deg yides.”

Iruh Mhend, tqubel-i-ti-d yelli-s n ugellid s wecmumeh, tenna-as:

-“Ax izimer-agi, zlut. Ticki tfuked, fki-yi-d ayen ik yehwan deg-s n weksum.”

Mhend yewwi izimer, yezlat, yebdat ghef qrad (3) yihricen:

1)Tassa d wallen. 2) Ul d idaren. 3) Turin d ifasen. Yefka-as-ten.

Tenna-as, trebhed. Yenna-as, nekk rebhegh, kemm mazal, sfehem-i-yi-d qbel acimi i ten bdigh akka.

-Tassa d wallen: Mur tettru ara tassa-k daxel, allen-ik ttrunt negh qqiment.

-Ul d idaren: Ma yella ur iruh ara wul-ik, idaren ruhen negh qqimen.

-Turin d ifassen: Ifassen-ik ur katten ara alama kuftent turin-ik.

D Mhend i yughen yelli-s n ugellid.

Une histoire de Hammoum Said, adaptée par Hammar Boussad.

Illustration Rahim Bellamdani

 

Merci de partager si vous aimez!
    Rédaction

    L'auteur Rédaction