Fermer
Culture loisirs

Boualem Yekker yeqqed tasa-s …Yettkemmil…

    b_1_q_0_p_0-002

    Boualem Yekker ilehhu deg webrid s tkerrust. Cwit acema, hebsen-t tikli tkerrusin. Qwant gher deffir, qwant gher sdat. Ur yezri d acu I yedran. Yeffegh-d di tkerrust, yesteqsa kra n yimdanen maca yufa-ten ttmeslayen ghef isental nniden yecban zzit, aksum, timeghriwin…

    Ikemmel gher sdat, yufa yiwen uttarus yettes di lehna deg webrid, qrib it yerked. Ur d yewwi s isali tedder negh tenger. Boualem Yekker yessarem ad yilli am weqjun-nni akken ur yetthulfu ara i wuguren n tudert. Ikemmel gher sdat, imi qrib ad yawed, iwala agraw n yiwaghezniwen ffren iqadumen-nsen s cac aberkan.

    Imi yewwed ghur-sen, mghen-d fell-as krad (03) deg-sen, ghedlen- t gher lqaea. Akken yettnagh yid-sen, yiwen deg-sen yeghli-as-id cac-nni aberkan i yeqqen, ibann-d wudem n mmi-s Kamal. Boualem Yekker yewhem d ayen kan, ula d mmi-s yughal d awaghezniw ur yezri. Yiwen gar -asen yefka-as-id tiyita s lgehd s lbunya gher uqerruy, yesnezfit.

    Imi id yukki, yufa-d iman-is yettwarez deg udrar. Yebgha ad yekker, ur yezmir ara. Idaren-is, ifasen-is, ttwarzen. Cudden-t gher lgedra n yiwen useklu s wemrar d azuran. Yeqqim, ihar d acu ara yexdem. Ur yezri ma ilaq axir ad issugh negh ad yessusem.

    Iruh-d yiwen ueessas s ubeckid, s tlaba n Afghanistan, yegzem amrar it icuden s lmus, yewwi-t gher ugellid-nsen i yellan daxel uqidun. Boualem Yekker yettargigi am usaflaw maca ur yezri ma deg usemmid negh di tugdi.

    Ibbed sdat n ugellid , agennur-is d uccamar-is anect-ilaten. Yufaf imdanen nniden ttwarzen s snasel. Qqimen ghef tgecrar, ttrajun nnuba-nsen ad bedden sdat n (cree) n iwaghezniwen. Ala netta i yellan d ilelli deg ugraw-nni. Ahat d mmi-s Kamal is ixedmen lemziya.

    Cwit acema, iwala mmi-s Kamal yezughred yiwen wemdan, ittehnunuf di lqaea, yettsughu, yettru. Kamal yekkat-it s rkulat war rrehma, yerna-as rregmat. Boualem Yekker yecca times s wurfan. Yenna deg wul-is: “D nekk id yurwen awaghezniw-agi I yekksen sser d leqder ghef talsa. D nekk ig laqen ad selkegh amadal s lfuha-agi is-iyi-d yerjem ccitan ad t-yexzu Rebbi.”

    Yeddem-d yiwen ubeckid i yegga bab-is dina, yesmar-as akk ayen yesea d rressas. Yexbabed di lqaea armi yemmut. Boualem Yekker yehulfa i yiman-is d afessas, yeqqed ul-is.

    Le dernier été de la raison”de Tahar Djaout,

    Adapté par Hammar Boussad.

     

     

     

    Merci de partager si vous aimez!
      Rédaction

      L'auteur Rédaction