Fermer
32624542_10156138676826211_2794874410807328768_n

Smana yezrin, ruhegh d inebgi gher tmurt n Kazakstan id yezgan di l’Asie talemmast. Ddigh d iseggaden, nlehhu s ieidiwen deg udrar. Aselway nsen yewwi-d lbaz deg ufus-is. Ssusmegh, ttmuqulegh kan axater ur ssinegh ara tutlayt nsen, ur gzigh ara d acu i tt-mmeslayen.

Cwit acemma, amdan-nni i yewwin lbaz, iserreh-as. Di tazwara, yuli deg yigenni am tewdect. Tagara, yezzfed am tressast gher yiwen yifri. Imi nqerreb, nufa yettef abaregh gar waccaren-is. Ferhen akk iseggaden-nni.
Imi id nughal gher taddart, steqsagh kra n yimdanen akken ay id sfehmen ghef ssenf-agi n ssyada maca ur zmiren ara. Nnan-d kan:-“Wagi d ansay i yellan si zik n zik, yal tasuta tettaggat-id i tayed.”
Imi ntett imekli, hkan-i-yi-d yiwet n tmacahut s wazal-is: -“Yiwen wass, Gengis Xan d yimdukkal-is ruhen gher ssyada akken ughen tannumi. Maca ass-nni, ulac d acu id ssegden. Gengis xan ur yefrih ara, iteddu kan wehd-s akken ur d yettarara urfan ghef yimdukkal-is. Ass-nni, d anebdu, itij yesserghay tafekka, aman ulac, ighezran qquren. Gengis Xan ifud macci d kra. Cwit acemma, iwala yiwen n lxid n waman d amectuh ittecrurud-d deg yiwen wedghagh.
Yeddem-d lkar, iruja atas armi yeccur, iruh ad yekkes fad i yeskawen taghect-is. Yezzef-d lbaz-nni, yessufeg-as lkar-nni gar ifassen-is, yenghel gher lqaea. Gengis Xan yerfa maca akken ihemmel atas afrux-is, yessusem, yessber, yerra gher wul-is. Yeccur-d daghen lkar n waman abrid wis sin, i tikkelt-nniden, lbaz-is yessenghel-as aman-nni gher lqaea.

Gengis Xan yerfa macci d kra. Ijebded ajenwi, yettaccar lkar-nni, yettmuqul lbaz-is, ihegga iman-is. Akken kan iruh ad isew, yemghed lbaz-nni, yengha-t s ujenwi. Yughal lxid-nni n waman yeqqur. Iruh Gengis Xan ad iwali ansi d kan waman-nni, imi yewwed gher nnig wezru, yefhem acimi ur t-yeggi ara wefrux-is ad isew. Yufa yiwen wezrem yeccur d ssem yemmut dinn-a. Gengis Xan yehzen atas, yendem ghef ayen yexdem. Yewwi lbaz-is s axxam, yura ghef iferrawen-is snat temsirin if ara yecfu di tudert-is:

01)-« Même quand ton ami fait quelque chose qui ne te plait pas, il reste ton ami. »
02)-« Toute action motivée par la colère est une action vouée à l’échec. »

N.B : Voir son livre « Comme le fleuve qui coule. »
Un texte de Paulo Coelho adapté par Hammar Boussad

Rédaction

L'auteur Rédaction