Fermer
ActualitéLocales

Illula Umalu. Lḥemla n uḥesses mgal aṭan n uxenziṛ (Cancer)

thumbnail

Deg ayen icuden γer uḥric n tezmert, imḍebren n uxxam n yelmeẓyen Gellal Σumaṛ n tγiwant n Yillulen umalu s tallelt n yemḍebren n tγiwant, sudsen-d ass-a n ssebt 05 maggu 2018 yiwet n lḥemla wessiεen n usaεlem d uḥesses n tlawin mgal aṭanen yemgaraden n uxenziṛ (Cancer) i yetthaẓen s waṭas tilawin, imi aṭan-agi yeṭṭukek s waṭas.

Leqdic-agi texdem-it tdukla n tezmert EL-FEDJR n lwilaya n Tizi-Wezzu, anda imejjayen n tdukla-agi fkan-d iwellihen iwulmen i tlawin γef amek zemrent ad-ḥarbent γef tezmert-nsent mgal aṭan n uxenziṛ. Tamesbanit-agi tesduritt-id tzeqa n leqdicat n uxxam n yelmeẓyen Gellal Σumaṛ n tγiwant n Yillulen umalu anda iḥedrent azal n 50 n tlawin id-yussan si tudrin yemgaraden n temnaḍt-agi.

Tamesbanit-agi wessiεen n usaεlem d uḥesses n tlawin mgal yal aṭanen yemgaraden n uxenziṛ (Cancer) d tin yesεan azal d lfayda meqren itezmert n umdan, anda i yetturaju ad-tilli lḥemla n usekfel (Dépistage) n waṭan-agi n uxenzir di merra tudrin n tγiwant n Yillulen Umalu.

Islam Bessaci

Mots clés : Une
Rédaction

L'auteur Rédaction