Fermer
Culture loisirs

Iwaghezniwen imaynuten (1)…Yettkemmil…

    b_1_q_0_p_0-002

    Boualem Yekker yettmuqul tugniwin n zik id yettaran deg-s tarwiht asmi akken teksa taghat d wuccen, tadsa, anecreh d zhu macci d lehram. Yebgha ad yeccar allagh-is s waktayen yelhan, izidanen, send ad tenger ddunit.

    Tura, iwaghezniwen imaynuten bghan ad mhun akk ihulfan, ad gezmen ifurkan n tudert deg yizuran alama d taqacuct, ad ggen kan asagh ig ccuden gher Rebbi. Bghan ad zmin, ad zelgen allaghen n yimdanen. Ad kksen deg sen tacriht, adif d idamen, ad ggen kan ighsan. Ad kksen akk ayen yettmeyizen, yettxemmimen, yesteqsayen, ihemmlen, yettargun, yessaramen, yettnadin…

    Rebbi-nsen ur yessin tugdut, ssmah, rrehma, lehnana negh tayri. Acaqur yezga gher tayet-is. Win ur nelli ara d inslem, ad t-yessenger send lawan. Iwaghezniwen imaynuten bghan ad gezmen i wemdan iberdan i yettawin gher temzi, tirga negh tilelli. Sexdamen ibeckiden negh ijenwiyen war akukru iwakken ad awden s tugdi gher yiswi-nsen.

    Boualem Yekker hettmen fell-as ad yettu tighawsiwin akk if ttcebbihen tudert yecban: tadsa, acali, azawan, lebher, tamedyazt, agama, idlisen…Ilaq ad yawi kan yiwen webrid, ad igher kan yiwen wedlis. Ur ilaq ara ad ihemmel negh ad yargu. Ur ilaq ara ad iwali negh ad isel i wayen icebbhen. Ilaq ad icerreg akk idlisen-ines slid yiwen.

    Boualem Yekker yessaram ad yettes, ur d yettaki ara i lebda. Tudert-agi n yighersiwen id yenulfan ur tt-yeqbil ara, ur teffigh ara fell-as. Iwaghezniwen imaynuten bghan as sersen ssrima am wiyad maca netta ghur-s tudert war tilelli , yugi-tt. Yugi ad yawi abrid yettawin gher tidet-nsen. Netta ur yezri ara anda tella tidet, mazal yettnadi fell-as. Netta, ihemmel anda qwan iberdan yettawin gher tidet, yal yiwen ad t-inadi s yiman-is deg yidlisen.

    Boualem Yekker ihemmel idlisen s tektiwin yemgaraden. Ihemmel ad yeddu deg yisebtaren n yidlisen am wefrux ilelli deg yigenni, ur yezri ma d yaf tidet negh ala. Ihemmel ad yunag gher imedqan yemgaraden anda tidet, ccbaha, tilelli, tirga ur seint ara tilisa.

    « Le dernier été de la raison » deTahar Djaout adapté par Hammar Boussad.

     

     

     

     

     

     

     

     

     

    Merci de partager si vous aimez!
      Rédaction

      L'auteur Rédaction