Fermer

Tirza n Yacine BRAHIMI γer At-Buεḍa

    no thumb

    Akken yeqqar yenzi “Yal aẓar yetabaε tara”, dγa ddurt-agi yezrin ass n sebt 06 yunyu 2015, amyurar agreγlan n tarbeεt taγelnawt n ddabax uḍar, Yacine BRAHIMI yerzad γer taddert n At-Buεḍa di tγiwant n Yiεeẓẓugen lwilaya n Tizi-Wezzu. yerza-d γer xwal-is taddert ideg tlul yemma-s akked yimawlan-is, atmaten-is d yemdukkal-is ger-asen Sεid Belkalem amyurar n tarbeεt taγelnawt n ddabax uḍar n temnaḍt Meqlaε.brahimi danse

    Dγa imezdaγ n taddert n At-Buεḍa heggan-d yiwet n tmeγra meqren γef dema n tirza n wayaw-nsen imi 15 n yiseggasen-aya ur-d-yerzi γer taddert n yemma-s.

    Yacine BRAHIMI yefraḥ nezah s tmeγra-agi id-ittewheggan γef dema-s, iḥulfa amzun akken imir id-illul deg akken i ssulin deg azal-is, ggan-as ccan annect.

    Γas akken yetturar di trebuεa meqren n umaḍal am FC Porto, maca muḥal yettu iẓuran-is yellan d imaziγen, imi baba-s d amzabi n temnaḍt n Tγardayt, yemma-s d taqbaylit n Tizi-Wezzu, dγa Yacine Brahimi d amaziγ inekmalen. Yenna-d ” acḥal n yiseggasen-aya seramaγ ad-rruḥaγ γer taddert n yemma, maca d akkud i yiṭfen almi d tura, u ḥamdullah wḍaγ lebγi-w imi uffiγ-d imddukal n temẓi“, syen yerna-d ” Wwiγ-d deqs n yisenfaren ilfayda n yimezdaγ n taddert n At-Buεḍa, am allalen n udawi i wexxam n tujya n taddert-agi, lxedma n wannar n ddabax uḍar n taddert At-Buεḍa “tasuta tis 05“, d waṭas niḍen.

    Ayen id-yernan cbaḥa i tmeγra-agi, d tikli yexdem Yacine BRAHIMI di tlemmast n taddert n At-Buεḍa, yelḥa merra deg yizenqan ideg yurar, yuγal yekcem s axxam n xwal-is anda id-yemekta temẓi-s.

    Tameddit n wass, iwala akked d yelmeẓyen n taddert n At-Buεḍa timlilit n tagara n talγuγa n Europe Juventus-Barça.

    Islam Bessaci

    Merci de partager si vous aimez!
      Rédaction

      L'auteur Rédaction