Fermer
Actualité

Tizi-Wezzu/ Saḥel : Rreḥba tis 07 n tfaska ukarmus

    38967977_10214983140686410_5469302923429150720_n

    Tanzayt n wass n ssebt 11 γuct 2018, teldi s wudem unṣib tedwilt tis 07 tfaska n ukarmus id-suddes tdukla tadelsant n taddert n saḥel taγiwant n Wizgan s lemεawna n  tdukliwin-nsen yemgaraden d tesqamut n taddert-agi. Leqdic d win ara yeddun γef teγzi n 03 wussan.

    Tafaska-agi tella-d s ddaw laεnaya n wesqamu aγarfan aγiwan n Wizgan, asqamu aγarfan n ugarzu n Tizi-Wezzu d tmahla n yedles n lwilaya n Tizi-Wezzu, ayagi yella-d s leḥdur n yemḍebren n temnaḍt n Wizgan, imḍebren n lwilaya nTizi-Wezzu, γef uqaru-s mass Muḥend Acir nayeb n uselway n wesqamu aγarfan n ugarzu n Tizi-Wezzu, Mass Sid Ali Yusef aselway n tesqamut n tezmert, tezdeg d useḥbiber γef twenaḍt n usqamu aγerfan n ugarzu n Tiai-Wezzu akk d yemḍebren n yeḥricen yemgaraden. Akken llan di ttiεad iεeggalen n yikkubar n tsartit, ger-asen mass Yassin Σisiwan akked Layla Ḥağ Aεrab, Iεeggalen n usqamu aγerfan aγelnaw(APN) n ukabar n ugraw i yidles d tugdut (RCD), d waṭas n yidisan niḍen.

    Tamesbanit-agi tella-d di tlemast  n taddert n saḥel, anda i yukkan s nnig n 60 n yemzikniyen id-yussan si temnaḍin yemgaraden n lwilaya n Tizi-Wezzu d lwilayat niḍen am Suq Ahras, Lezzayer tamanaγt, tubiret, Bgayet d tiyeḍ.

     

    Ahil id-heggan γef dema d amerkanti yerna d amesbaγur, anda llant temzikniyin ukarmus s leṣnaf-is yemgaraden, timliliyin d isaragen anda id-wwin awal γef azal yesεa ukarmus di temnaḍt leqbayel d wamek ara d-yilli uḥareb fell-as akken ad-teqqim d lγella n lebda, asenεet n zwağ aqbur, d temzikniyin niḍen n lḥirfat ufus, am talaxt, aẓeṭṭa, d wayen icuden γer useḥbiber γef twenaḍt. Dγa tameddit n wass n letnayen 13 γuct ad-tekfu tezrigt tis 07 n tfaska ukarmus s yiwet n tmeγra meqren andaara cnun icennayen meqren n tezlitt taqbaylit,  syen ad-tilli  tikci n warazen usebγes i kra n wid yukkan di tfaska-agi. Iswi n tfaska-agi d tikci n tebγest d wafud i wuẓẓu ukarmus akken ad-yenarni yedles n teqbaylit, d tikci n wazal i tgemi. Akken tella d tagnit yelhan i yemdanen akken ad-sεun tamuγli yelhan γef lγella ukarmus d uḥareb fell-as.

    Islam Bessaci

    Merci de partager si vous aimez!
    Mots clés : Une
      Rédaction

      L'auteur Rédaction